आज नेपाली बजारमा सुनको मूल्यले नयाँ रेकर्ड कायम गरेको छ।
मंगलबार तोलाको १ लाख ५९ हजार ७ सय रूपैयाँमा कारोबार हुँदै रेकर्ड बनाएको सुनको मूल्यले उक्त रेकर्ड आज तोडेको हो ।नेपाल सुनचाँदी व्यवसायी महासंघका अनुसार, आज छापावाल सुनको मूल्य तोलामा ७ सय रूपैयाँले बढेर प्रतितोला १ लाख ६० हजार ४ सय रूपैयाँमा कारोबार भइरहेको छ।
यसैबीच, चाँदीको मूल्य पनि वृद्धि भएको छ। बुधबार चाँदी तोलामा ४० रूपैयाँले बढेर प्रतितोला १ हजार ९ सय ५५ रूपैयाँमा कारोबार भइरहेको महासंघले जनाएको छ।
