उद्योगभित्र ठूलो मानवीय क्षति भएको आशंकामा आक्रोशित स्थानीय बासिन्दाले र भारतीय मजदुरहरु उद्योग परिसर घेराउ गरेका छन् भने उद्योग बाहिर एम्बुलेन्स र दमकल तैनाथ गरिएको छ।
राति करिब ९:१५ बजे उद्योगको फलाम पगाल्ने भट्टीमा भएको विस्फोटको आवाजले सिमरा क्षेत्र नै थर्किएको थियो।
उद्योग प्रशासनले हालसम्म एक जना भारतीय मजदुर मात्र घाइते भएको दाबी गरे पनि स्थानीयले यो कुरा पत्याएका छैनन्।
विस्फोटको प्रकृति र त्यसपछिको अवस्था हेर्दा ठूलो हताहती भएको हुन सक्ने भन्दै उनीहरूले सत्यतथ्य बाहिर ल्याउन माग गरेका छन्।
घटनास्थलमा बाक्लो संख्यामा प्रहरी परिचालन गरिएको छ। ईलाका प्रहरी कार्यालय सिमराका प्रमुख, डिएसपी वेद प्रकाश जोशीले प्रहरीले स्थितिलाई नियन्त्रणमा लिने प्रयास गरिरहेको र क्षतिको यकिन विवरण संकलन गर्ने काम भइरहेको मेरो न्युज रिपोटर्सलाई जानकारी दिए।
प्रहरीले स्थानीयलाई संयमित हुन आग्रह गरिरहेको छ। तैपनि स्थानिय र भारतीय मजदुरहरु उद्योग घेराउ गरेका छन् र जग्दमा स्टील कम्पनी को भठ्ठीहरू(furnace) धेरै पुरानो रहेको हुनाले गर्दा पटक-पटक बलास्त हुने गर्छ। श्रम कार्यालय वीरगन्ज को पनि लापरवाही हो,समय मा निरीक्षण नगरी पैसा उठाउन मा मात्र व्यस्त रहन्छ।।।
