सोमबार सुनचाँदीको मूल्य घटेको छ । आइतबार तोलामा १६ सय रुपैयाँले बढेर नयाँ रेकर्ड राखेको सुनको मूल्य सोमबार भने घटेको छ ।
नेपाल सुनचाँदी रत्न तथा आभूषण संघ महासंघका अनुसार सोमबार सुनको मूल्य तोलामा ४०० रुपैयाँले घटेको छ ।
आइतबार सुनको मूल्य तोलामा २ लाख १२ हजार रुपैयाँमा कारोबार भएको सुन सोमबार घटेर २ लाख ११ हजार ६०० रुपैयाँ कायम भएको छ ।
सोमबार चाँदीको मूल्य तोलामा २५ रुपैयाँले घटेको छ । महासंघका अनुसार आइतबार प्रतितोला चाँदी २ हजार ५०० रुपैयाँमा कारोबार भएकोमा सोमबार घटेर २ हजार ४७५ रुपैयाँ कायम भएको छ ।
