चुनाव आयो, टोल–टोलमा पोस्टर टाँसियो,
भाषणले आकाश छोयो, तर जमिन कहाँ बदलियो?
प्रचार समितिको भीडले सडक भरियो,
तर अधुरा योजना फेरि फाइलमै हरायो।
नेता भन्छन् – “हामी विकासका पक्षमा छौं”,
जनता सोध्छन् – “त्यो विकास आखिर कता छ त?”
अब नाराले होइन, नतिजाले बोलोस्,
समितिको नाम होइन, कामले देश खोलोस्।
चुनावमा प्रचार प्रसार समिति बनाउनु भन्दा,
गाउँ–टोलमा विकास समिति बनोस्।
पोस्टर भन्दा पुल बनोस्,
भाषण भन्दा बाटो बनोस्।
राजनीति यदि सेवाको नाम हो भने,
विकास नै त्यसको असली पहिचान होस्।
