इजरायली सेनाले गाजा सहरमा रहेको एउटा अग्लो भवन भत्काएको छ। ठुलो भवनलाई निशाना बनाएको यो लगातार दोस्रो दिन हो।
रक्षामन्त्री इजरायल काट्जले एक्समा भवन भत्किँदाको भिडियो सार्वजनिक गरे।
इजरायल रक्षा बल (आईडीएफ)ले हमासले सुसी टावर प्रयोग गरिरहेको बताएको छ। तर हमासले यो दाबीलाई अस्वीकार गरेको छ।
कुनै भागाभाग भएको छ कि छैन भन्ने कुरा स्पष्ट छैन। शनिबारको आक्रमण अघि इजरायलले प्यालेस्टिनीहरूलाई मानवीय क्षेत्र भनिने दक्षिणतिर सर्न आग्रह गर्दै पर्चा खसालेको थियो।
सुसी टावर पछिल्ला केही दिनमा ध्वस्त भएको दोस्रो सबैभन्दा अग्लो भवन हो।
शुक्रबार सामाजिक सञ्जालमा शहरको अल–रिमल क्षेत्रमा रहेको मुशताहा टावर ठुलो विस्फोटपछि भत्किएको भिडियो सेयर गरिएको थियो।
