भारत र इंग्ल्यान्डबिच जारी ५ खेलको टेस्ट सिरिजको तेस्रो खेल लर्ड्समा सुरु भएको छ। पहिलो दिनको खेल सकिँदा घरेलु टोली इंग्ल्यान्डले ४ विकेट गुमाएर २ सय ५० रनको स्कोर पार गरेको छ।
इंग्ल्यान्डका लागि पहिलो दिन जो रुट शतकभन्दा १ रन टाढा रहेर अविजित फर्किँदा उनलाई कप्तान बेन स्टोक्सले ३९ रनमा साथ दिइरहका छन्। रुटले ९ चौकाको सहयोगमा ९९ रन बनाएका छन्। उनी बाहेक ज्याक क्राउलीले १८ रन बनाउँदा बेन डकेटले २३ तथा ओली पपले ४४ रन बनाएका थिए। त्यस्तै ह्यारी ब्रुक्सले ११ रन बनाए।
भारतका लागि नितिश कुमार रेड्डीले २ विकेट लिँदा जसप्रित बुमराह र रवीन्द्र जडेजाले समान १-१ विकेट लिए। जो रुटको अविजित इनिङ सँगै उनले भारतविरुद्ध ३ हजार रनसमेत पूरा गरेका छन्। उनले यो इनिङमा ४५ रन बनाएसँगै उक्त कोसेढुंगा पूरा गरे।
रुटले इंग्ल्यान्डका लागि ७ हजार टेस्ट रन समेत पूरा गरे। उनले दिनको अन्तिम ओभरमा यो उपलब्धि हासिल गरेका हुन्।
इंग्ल्यान्डले दोस्रो दिन ४ विकेटको क्षतिमा २ सय ५१ रनबाट दिनको खेल सुरु गर्नेछ।
