सिरहामा आफ्ना बाबुको हत्या आरोपमा छोरा पक्राउ परेका छन् ।
आफ्ना बाबुको हत्या अभियोगमा सिरहाको औरही गाउँपालिका-३ खजनपुरका शैलेन्द्रकुमार यादवलाई प्रहरीले हिरासतमा लिएको छ । ६५ वर्षीय भालेश्वर यादवलाई कुटपिट गरेर हत्या गरेको आरोपमा शैलेन्द्रलाई प्रहरीले पक्राउ गरेको हो ।
छोरा शैलेन्द्र र उनकी श्रीमती ३५ वर्षीया रेणुकुमारी यादवले घरायसी विवादका क्रममा बुबामाथि निर्घात कुटपिट गरेका जिल्ला प्रहरी कार्यालयका सूचना अधिकारी मुक्तिनाथ सापकोटाले जानकारी दिए ।
सूचना अधिकारी सापकोटाका अनुसार, भालेश्वरलाई गम्भीर घाइते अवस्थाममा विराटनगरतर्फ उपचारका लागि लैजाने क्रममा बाटोमा मृत्यु भएको छ ।
