अजमल अन्सारी
सुनसरी । जिल्ला अदालत सुनसरी ईनरुवाले सवारी दुर्घटना सम्बन्धी क्षतिपूर्तिको मुद्धामा २०७८ साल भदौ २४ गते फैसला सुनाएको घटनामा फरार रहँदै आएका प्रतिवादी सोभालाल चौधरीलाई प्रहरीले पक्राउ गरेको छ।
सुनसरी जिल्लाको ईटहरी उपमहानगरपालिका–१४ निवासी ५० वर्षीय चौधरीलाई मंगलवार ईलाका प्रहरी कार्यालय पकलीबाट खटिएको टोलीले उनकै घरबाट नियन्त्रणमा लिएको हो।
सवारी दुर्घटनाबाट अंगभंग र क्षति पुर्ती सम्बन्धी मुद्धामा अदालतले उनलाई छ लाख एक्काइस हजार सात सय रुपैयाँ जरिवाना तोकेको थियो। अदालतको फैसला पश्चात चौधरी फरार रहेका थिए।
पक्राउ परेका चौधरीलाई तत्काल इप्रका पकलीमा राखी सम्बन्धित कार्यालयमा पेश गर्ने तयारी भइरहेको प्रहरीले जनाएको छ। प्रहरीका अनुसार चौधरीविरुद्ध अदालतको फैसला कार्यान्वयनका लागि लामो समयदेखि खोजी कार्य जारी रहेको थियो।
