मुस्लिम आयाेगले विराटनगरमा आयाेजना गरेकाे एक सचेतना कार्यक्रममा पूर्वमन्त्री मोहम्मद जाकिर हुसैनले मुस्लिम समुदायकाे सामाजिक तथा आर्थिक सशक्तीकरणकाे विषयमा कार्यपत्र प्रस्तुत गर्नुभयाे ।
नेपालकाे मुस्लिम समुदाय सामाजिक, आर्थिक, र शैक्षिक रूपमा पछाडि परेकाे यथार्थलाई स्वीकार्दै यसलाई सुधार्न ठाेस नीति, कार्यक्रम र पहलकदमीहरू आवश्यक छन् । प्रस्तुत कार्यपत्रमा मुस्लिम समुदायकाे सशक्तीकरणका लागि निम्न पक्षहरूमा जाेड दिइएकाे छ:
१. शैक्षिक सशक्तीकरण : मुस्लिम समुदायकाे शैक्षिक अवस्था सुधार्न निःशुल्क तथा गुणस्तरीय शिक्षा प्रदान गर्ने नीति आवश्यक छ।
मदरसाहरूकाे आधुनिकीकरण गरी मुख्यधारकाे शिक्षासँग समायोजन गर्नुपर्छ।
विश्वविद्यालय स्तरसम्मकाे छात्रवृत्तिकाे व्यवस्था गरी मुस्लिम विद्यार्थीहरूलाई उच्च शिक्षा हासिल गर्न प्रेरित गर्नुपर्छ।
२. आर्थिक सशक्तीकरण:
मुस्लिम समुदायका लागि उद्यमशीलता विकास तथा स्वरोजगार कार्यक्रम सञ्चालन गर्नुपर्छ।
बैंकिङ तथा वित्तीय सहयाेग प्रणालीलाई प्रवर्द्धन गरी मुस्लिम उद्यमीहरूलाई वित्तीय पहुँच दिनुपर्छ।
कृषि, पशुपालन तथा साना उद्योगहरूमा लगानी बढाएर आर्थिक सशक्तीकरण गर्नुपर्छ।
३. राजनीतिक सहभागिता र नीति निर्माण :
मुस्लिम समुदायकाे हकअधिकारकाे सुनिश्चितताका लागि राजनीतिक सहभागिता आवश्यक छ।
मुस्लिम समुदायलाई नीति निर्माणकाे स्तरमा प्रतिनिधित्व दिनुपर्छ।
मुस्लिम आयाेगकाे अधिकार क्षेत्रलाई फराकिलो पार्दै त्यसलाई निर्णयात्मक भूमिका दिनुपर्छ।
४. सामाजिक चेतना र सशक्तीकर
मुस्लिम समुदायलाई सामाजिक न्याय, मानवअधिकार तथा कानूनी अधिकारकाे बारेमा सशक्त बनाउनुपर्छ।
महिला सशक्तीकरणलाई प्राथमिकता दिँदै मुस्लिम महिलाहरूकाे शिक्षा, स्वास्थ्य तथा रोजगारीका लागि विशेष कार्यक्रम ल्याउनुपर्छ।
धार्मिक सहिष्णुता र अन्तरधार्मिक संवाद प्रवर्द्धन गरी समाजमा सकारात्मक सम्बन्ध बनाउनु आवश्यक छ।
५. संस्थागत संरचना र नीतिगत सुधार
मुस्लिम समुदायकाे सामाजिक तथा आर्थिक विकासका लागि सरकारले विशेष नीति तथा कार्यक्रमहरू ल्याउनु आवश्यक छ।
मुस्लिम समुदायलाई लक्षित गरी विशेष विकास परियोजनाहरू सञ्चालन गर्नुपर्छ।
सरकारी तथा गैरसरकारी क्षेत्रबाट मुस्लिम समुदायकाे सशक्तीकरणका लागि दीर्घकालीन सहयाेग आवश्यक छ।
मुस्लिम आयाेगका अध्यक्ष शमीम मियाँ अन्सारीकाे अध्यक्षतामा सम्पन्न कार्यक्रममा काेशी प्रदेश सांसद इसराईल मन्सुरी, हिरनगर गाउँपालिका अध्यक्ष गफार अन्सारी लगायतका नेता तथा विभिन्न समाजसेवीहरूले मन्तव्य राख्नुभयाे ।
