नेपाली बजारमा पाँच दिनदेखि लगातार बढिरहेको सुनको मूल्य आज नयाँ कीर्तिमान कायम गरेको छ।
नेपाल सुनचाँदी व्यवसायी महासंघका अनुसार, आज सुनको मूल्य तोलामा तीनसय रुपैयाँले बढेर एक लाख ६० हजार ७ सय पुगेको हो। यो मूल्य अहिलेसम्मकै उच्च हो।
पछिल्लो दिनमा सुनको मूल्य एक लाख ६० हजार ४ सय रुपैयाँ थियो, र आज यो मूल्य तीनसय रुपैयाँ बढेर एक लाख ६० हजार सात सय पुगेको छ। चाँदीको मूल्य भने स्थिर रहँदै आज पनि १ हजार ९५५ रुपैयाँमा कारोबार भइरहेको छ।
